କେନ୍ଦ୍ରୀୟ ଏଜେନ୍ସିର ରାଡାରରେ ତାମିଲନାଡ଼ୁର ୧୦ କ୍ୟାବିନେଟ୍ ମନ୍ତ୍ରୀ
ଓଡ଼ିଶା 365 (ବ୍ୟୁରୋ): ଗତ କିଛି ମାସ ହେବ ବେଶ୍ ଆକ୍ଟିଭ ମୁଡରେ ରହିଛି ବିଭିନ୍ନ କେନ୍ଦ୍ରୀୟ ଏଜେନ୍ସି । ବିଭିନ୍ନ ସ୍ଥାନରେ ଲଗାତର ଚଢାଉ କରୁଥିବା ବେଳେ ବେଆଇନ ଅର୍ଥ କାରବାର ପର୍ଦ୍ଦାଫାସ ମଧ୍ୟ କରୁଛନ୍ତି । ଏହାରି ଭିତରେ ତାମିଲନାଡୁର ୩୬ ଜଣ କ୍ୟାବିନେଟ ମନ୍ତ୍ରୀଙ୍କ ମଧ୍ୟରୁ ଅତି କମ୍ରେ ୧୦ ଜଣ ବର୍ତ୍ତମାନ କେନ୍ଦ୍ରୀୟ ଏଜେନ୍ସିଗୁଡ଼ିକର ରାଡାରରେ ଅଛନ୍ତି । ଆଉ ସବୁଠାରୁ ବଡ଼ କଥା ହେଲା ଶାସକ ଡିଏମ୍କେ ଏହାକୁ ଐତିହାସିକ ଭାବରେ ପ୍ରଭାବ ନଗଣ୍ୟ ଥିବା ରାଜ୍ୟରେ ନିଜର ପ୍ରଭାବକୁ ସୁଦୃଢ଼ କରିବା ପାଇଁ ବିଜେପିର ପ୍ରୟାସ ସହିତ ଯୋଡିଛି। ନଭେମ୍ବର ୩ରେ ପିଡବ୍ଲ୍ୟୁଡି ଓ ରାଜପଥ ମନ୍ତ୍ରୀ ଇଭି ଭେଲୁଙ୍କୁ ଟାର୍ଗେଟ କରି ଚେନ୍ନାଇ ଓ କୋଏମ୍ବାଟୁର ଭଳି ଜିଲ୍ଲାର ୪୦ରୁ ଅଧିକ ସ୍ଥାନରେ ଚଢ଼ଉ କରାଯାଇଥିଲା। ଜବତ ହୋଇଥିବା କାଗଜପତ୍ରର ବିବରଣୀ ଆୟକର ବିଭାଗ ପକ୍ଷରୁ ଏପର୍ୟ୍ୟନ୍ତ ପ୍ରକାଶ କରାଯାଇନାହିଁ।
କେନ୍ଦ୍ରୀୟ ଏଜେନ୍ସି ଯାଞ୍ଚର ସମ୍ମୁଖୀନ ହୋଇଥିବା ଡିଏମ୍କେର ଅନ୍ୟ ବରିଷ୍ଠ ନେତାମାନଙ୍କ ମଧ୍ୟରେ ଅଛନ୍ତି କୋଟି କୋଟି ଟଙ୍କାର ବାଲି ଖନନ ଦୁର୍ନୀତି ମାମଲାରେ ଜଳ ଓ ଜଳସେଚନ ମନ୍ତ୍ରୀ ଦୁରାଇମୁରୁଗାନ୍, ଆର୍ଥିକ ଅନିୟମିତତା ଓ ସମ୍ପତ୍ତି ଠୁଳ ମାମଲାରେ ଉଚ୍ଚଶିକ୍ଷା ମନ୍ତ୍ରୀ କେ ପୋନମୁଡ଼ି, ଗ୍ରାମ୍ୟ ଉନ୍ନୟନ ମନ୍ତ୍ରୀ ଆଇ ପେରିଆସାମୀ ଏବଂ ପୂର୍ବତନ ଅବକାରୀ ମନ୍ତ୍ରୀ କେ ସେନ୍ଥିଲ ବାଲାଜୀ। ଚାକିରି ଦୁର୍ନୀତି ଓ ମନି ଲଣ୍ଡରିଂ ଅଭିଯୋଗରେ ଗତ ଜୁନ୍ ମାସରେ ବାଲାଜୀଙ୍କ ଉପରେ ଚଢ଼ଉ ଆରମ୍ଭ ହୋଇଥିଲା। ଏହାକୁ ନେଇ ତାମିଲନାଡ଼ୁ ରାଜନୀତି ସରଗରମ ହୋଇଛି ।
Trending Tag
ଲୋକସଭା ଏଥିକ୍ସ କମିଟି ସାମ୍ନାରେ ଅଧାରୁ ଉଠି ଚାଲିଗଲେ ମହୁଆ ମୈତ୍ରୀ: ଜାଣନ୍ତୁ କାହିଁକି?
ବିଜେପିର ସାଂଘାତିକ ଅଭିଯୋଗ- ସଂସଦରେ ପ୍ରଶ୍ନ ପଚାରିବାକୁ ମହୁଆ ମୋଇତ୍ରା ନେଉଛନ୍ତି ଲାଞ୍ଚ
ନିର୍ବାଚନ ପୂର୍ବରୁ ଚାଲିଗଲେ ରାଜସ୍ଥାନ କରଣପୁର ଆସନରେ ଲଢିବାକୁ ଥିବା କଂଗ୍ରେସ ପ୍ରାର୍ଥୀ
‘କଂଗ୍ରେସକୁ ସମାପ୍ତ କରିଦିଅ, ସମସ୍ୟା ଆପେ ଆପେ ସମାପ୍ତ ହୋଇଯିବ’: ମଧ୍ୟପ୍ରଦେଶରେ କଂଗ୍ରେସ ଉପରେ ବର୍ଷିଲେ ଯୋଗୀ ଆଦିତ୍ୟନାଥ
ଆଗୁଆ ନିର୍ବାଚନ ପାଇଁ କସରତ ଆରମ୍ଭ, ସେପ୍ଟେମ୍ବର ୨୦ ସୁଦ୍ଧା ଭାଙ୍ଗିବ ବିଧାନସଭା !
