ଆଜି ଭାରତ-ନ୍ୟୁଜିଲ୍ୟାଣ୍ଡ ସେମି ଫାଇଟ୍; ମ୍ୟାଚ୍ ଦେଖିବାକୁ ଲାଗିବ ସେଲିବ୍ରିଟିଙ୍କ ଭିଡ଼
ଆଜି ଭାରତ-ନ୍ୟୁଜିଲ୍ୟାଣ୍ଡ ସେମି ଫାଇଟ୍; ମ୍ୟାଚ୍ ଦେଖିବାକୁ ଲାଗିବ ସେଲିବ୍ରିଟିଙ୍କ ଭିଡ଼
ଓଡ଼ିଶା 365 (ବ୍ୟୁରୋ): ବିଶ୍ୱକପରେ ଲିଗ୍ ପର୍ଯ୍ୟାୟ ଶେଷ ହୋଇଥିବାବେଳେ ଭାରତ ୯ରୁ ୯ ମ୍ୟାଚ୍ ଜିତି ଅପରାଜୟ ରହିଛି,ପ୍ରତିପକ୍ଷ ଟିମର ହଜାଇଛି ନିଦ। ନ୍ୟୁଜିଲ୍ୟାଣ୍ଡ ବିପକ୍ଷରେ ମୁମ୍ବାଇର ଓ୍ୱାଙ୍ଖଡେ ଷ୍ଟାଡିୟମରେ ଭାରତ ସେମି ସୁପର ଫାଇଟ୍ ଲାଗି ମଇଦାନକୁ ଓହ୍ଲାଇବ। ମୁମ୍ବାଇରେ ଛକା ଚୌକାର ବର୍ଷା ସାଙ୍ଗକୁ ରନ୍ ମେସିନ ବିରାଟ କୋହଲି ୫୦ତମ ଦିନିକିଆ ଶତକ ହାସଲ କରି ସଚିନଙ୍କୁ ଟପନ୍ତୁ ବୋଲି ଆଶା ରଖିଛନ୍ତି କ୍ରିକେଟ୍ ପ୍ରେମୀ। ସେପଟେ ୨୦୧୯ ବିଶ୍ୱକପରେ ଭାରତ ଲିଗ୍ ପର୍ଯ୍ୟାୟ ଶୀର୍ଷରେ ରହିଥିଲେ ମଧ୍ୟ ସେମି ଫାଇନାଲରେ ନ୍ୟୁଜିଲ୍ୟାଣ୍ଡ ଠାରୁ ହାରି ବିଦା ହୋଇଥିଲା। ସେ ଦୃଷ୍ଟିରୁ ଦେଖିଲେ ୧୯ର ପ୍ରତିଶୋଧ୨୦୨୩ରେ ନେବା ଲକ୍ଷ୍ୟରେ ରହିଛି ରୋହିତ୍ ବାହିନୀ। ବ୍ୟାଟିଂ ବୋଲିଂରେ ଭାରତ ୨୦୨୩ ବିଶ୍ୱକପରେ ଜବରଦସ୍ତ ପ୍ରଦର୍ଶନ କରିଛି। ଲିଗ୍ ପର୍ୟ୍ୟାୟରେ ମଧ୍ୟ ଭାରତ ନ୍ୟୁଜିଲ୍ୟାଣ୍ଡକୁ ହରାଇ ସାରିଛି। ୨୦୧୯ମସିହାର ଭୁଲ୍ କୁ ସୁଦ୍ଧାରିବା ସହ ବିଜୟ ହାସଲ ଲକ୍ଷ୍ୟରେ ରହିଛି ଭାରତ। ରନ୍ ମେସିନ ବିରାଟ କୋହଲି,ଅଧିନାୟକ ରୋହିତ ଶର୍ମା, ଶ୍ରେୟସ୍ ଆୟର ବିଶ୍ୱକପରେ ଟପ୧୦ ବ୍ୟାଟର ତାଲିକାରେ ରହିଛନ୍ତି। ବୋଲିଂରେ ସାମି,ବୁମରା,କୁଲଦୀପ,ଜାଡେଜା ଯାଦୁ ଦେଖିବାକୁ ମିଳିଛି । ଏଥର ଭାରତ ମାଟିରେ ରୋହିତ ସେନା ବିଶ୍ୱକପ୍ ଧରି ତୋଳନ୍ତୁ ବୋଲି ଆଶା ରଖିଛନ୍ତି କ୍ରିଡ଼ାପ୍ରେମୀ।
ଅନ୍ୟପଟେ, ଆଜିର ମ୍ୟାଚ୍ ଦେଖିବାକୁ ଲାଗିପାରେ ବହୁ ବଲିଉଡ୍ ତଥା ଟଲିଉଡ୍ ସେଲିବ୍ରିଟିଙ୍କ ଭିଡ ବୋଲି ଚର୍ଚ୍ଚା ଜୋର ଧରିଛି । ଖାସ୍ କରି ମେଗାଷ୍ଟାର ରଜୀନକାନ୍ତ, ସଲ୍ମାନ୍ ଖାନ୍, ଅମିର ଖାନ୍ ଆଦି ଉପସ୍ଥିତ ରହିବେ ।ଏହାସହିତ ବିଶିଷ୍ଟ ଶିଳ୍ପପତି ମୁକେଶ ଅମ୍ବାନୀଙ୍କ ପତ୍ନୀ ତଥା ମୁମ୍ବାଇ ଇଣ୍ଡିଆନ୍ସର ମାଲିକ ନୀତା ଅମ୍ବାନୀ ମଧ୍ୟ ମ୍ୟାଚ୍ ଦେଖିବାକୁ ଆସିବେ । ଏହାବାତୀତ ଟିମ୍ ଇଣ୍ଡିଆର ଅଲ୍ରାଉଣ୍ଡର ହାର୍ଦ୍ଦିକ ପାଣ୍ଡ୍ୟ ମଧ୍ୟ ଖେଳ ଦେଖିବାକୁ ଆସିବେ ବୋଲି ଚର୍ଚ୍ଚା ହେଉଛି । ଯାହାକି ଦର୍ଶକମାନଙ୍କୁ ଖେଳ ସହିତ ଭରପୁର ମାତ୍ରାରେ ମନୋରଞ୍ଜନ ଦେବ ।
Trending Tag
ଭାଇଜାନଙ୍କ ଫିଲ୍ମ ଦେଖି ହଲ୍ ଭିତରେ ବାଣ ଫୁଟାଇଲେ ପ୍ରଶଂସକ;କଡା କାର୍ଯ୍ୟାନୁଷ୍ଠାନ ଦାବି
ସାମ୍ନାକୁ ଆସିଲା ‘ଟାଇଗର ୩’ର ଦ୍ୱିତୀୟ ଗୀତ; ଫ୍ୟାନ୍ସଙ୍କ ମନ ଜିଣୁଛି ସଲମାନ-କ୍ୟାଟ୍ରିନାଙ୍କ ରୋମାନ୍ସ
ଦୀପାବଳୀରେ ଧୁମ ନଚାଇବେ ଭାଇଜାନ;ଆଡଭାନ୍ସ ବୁକିଂରେ ରେକର୍ଡ ସୃଷ୍ଟି କରୁଛି ‘ଟାଇଗର ୩’
ଆଜି ଭାରତ-ନ୍ୟୁଜିଲ୍ୟାଣ୍ଡ ସେମି ଫାଇଟ୍; ମ୍ୟାଚ୍ ଦେଖିବାକୁ ଲାଗିବ ସେଲିବ୍ରିଟିଙ୍କ ଭିଡ଼
